Të nderuar nëpunës të administratës publike,
Në kuadër të përpjekjeve për modernizimin e administratës publike dhe përgatitjen për sfidat e transformimit digjital, Programi Government AI Campus ju ofron një mundësi të vlefshme për të zhvilluar njohuri dhe aftësi në fushën e Inteligjencës Artificiale.
Ju ftojmë të hyni në platformë dhe të përfundoni trajnimin tuaj.
Ju rikujtojmë se:
- Problematikat teknike të mëparshme janë adresuar dhe platforma është tashmë plotësisht e aksesueshme.
- Të gjithë pjesëmarrësit kanë akses në të gjitha kurset, duke ju lejuar të ndiqni edhe module të tjera përtej kursit fillestar, sipas interesit tuaj.
Ky trajnim është një mundësi konkrete për të përmirësuar aftësitë tuaja dhe për të kontribuar në një administratë publike më moderne, më efikase dhe më të orientuar drejt së ardhmes.
