Sot, Agjencia e Menaxhimit të Burimeve Ujore (AMBU), përfaqësuar nga Drejtori Përgjithshëm, znj. Anila Shehu, dhe Shkolla Shqiptare e Administratës Publike (ASPA), përfaqësuar nga Drejtori Përgjithshëm, znj. Emona Boçe, nënshkruan një Marrëveshje Bashkëpunimi me synim forcimin e kapaciteteve profesionale dhe institucionale në fushën e menaxhimit dhe monitorimit të burimeve ujore.
Marrëveshja synon:
- Zhvillimin e programeve të trajnimit për administratën publike;
- Rritjen e ekspertizës në menaxhimin e integruar të burimeve ujore;
- Mbështetjen e zbatimit të legjislacionit kombëtar dhe acquis të Bashkimit Evropian në sektorin e ujit;
- Promovimin e praktikave të qëndrueshme për mbrojtjen dhe menaxhimin e ujërave.
Ky bashkëpunim përfaqëson një hap të rëndësishëm drejt zhvillimit të kapaciteteve profesionale dhe forcimit të administrimit të qëndrueshëm të burimeve ujore në Shqipëri, duke kontribuar në rritjen e ekspertizës institucionale dhe përmbushjen e standardeve evropiane në sektorin e ujit.
