Negociatat me BE: arritjet dhe hapat që mbeten

Qëllimi i këtij trajnimi është të informojë dhe të nxisë shkëmbimin e mendimeve me përfaqësues të administratës mbi procesin e negociatave për anëtarësimin në Bashkimin Evropian.
Gjatë sesionit do të trajtohet i plotë cikli i negociatave, nga hapja deri në anëtarësimin e plotë, me fokus tek arritjet e deritanishme dhe hapat që mbeten përpara.
Veçanërisht do të ndalemi tek çështjet kryesore që lidhen me përmbushjen e piketave të ndërmjetme dhe përfundimtare, si dhe tek detyrimet specifike të institucioneve përgjegjëse në këtë proces.